एकमेकांच्या खांद्यावर हात टाकून दोघे दोस्त ट्रॅकवरून चालत होते आणि क्षणातच ..

दोघे दोस्त एकत्र चालत होते अन् अचानकपालघर रेल्वे स्थानकातील नवली फाटकाच्या दरम्यान दोन तरुण मित्र एकमेकांच्या खांद्यावर हात टाकून ट्रॅकवरून चालत होते. बऱ्याच दिवसांनी निवांत गप्पा मारत होते. मात्र त्यांच्या गप्पांमध्ये ते एवढे गुंग झाले की मागून येणाऱ्या ट्रेनबद्दलही त्यांना समजलं नाही. रेल्वेच्या मोटरमनने हॉर्न वाजवून ट्रॅकवर चालणाऱ्या त्या दोघांना सावध करण्याचाही प्रयत्न केला. मात्र त्याचा काहीच फायदा झाला नाही. अखेर रेल्वे इंजिनची त्या दोघांना जोरदार धडक बसली. यामध्ये ते दोघेही गंभीर जखमी होऊन कोसळले. त्यापैकी एका तरूणाचा तेथेच मृत्यू झाल. तर दुसऱ्या जखमी तरूणाला उपचारांसाठी पालघर ग्रामीण रुग्णालयात दाखल करण्यात आले. नंतर त्याला वापी येथील रुग्णालयात हलवण्यात आले