एक सारख्या नावामुळे पोलिसांनी केली नको ती घोडचूक चोर सोडून संन्याशाला फाशी

तुम्ही समजता तो मी नाही

22 सप्टेंबर रोजी प्रमोद कुमार साहू याची जामीनावर सुटका झाली. तुरूंगातून बाहेर आल्यानंतर प्रमोद कुमार साहू याने कमिश्नरकडे जाऊन तक्रार नोंदवली. अटक करून पोलिस त्याला पोलिस स्टेशनमध्ये घेऊन आले. तुझं नाव प्रमोद कुमार आहे, तुझ्या वडिलांचा मृत्यू झाला आहे. शस्त्रास्त्र बाळगल्याप्रकरणी तुझ्याविरोधात गुन्हा दाखल करण्यात आला आहे. तसेच पत्नीला मारहाण केल्याचा आरोपही तुझ्यावर आहे. हे सगळं ऐकल्यावर मी ती व्यक्ती नाही, हे मी पोलिसांना पटवून देण्याचा प्रयत्न केला. माझे वडील जिवंत आहेत , माझी बायको माहेरी गेली आहे, याचे सगळे पुरावे मी त्यांना दिले. मी कधीच जेलमध्ये गेलो नाही, हे पटवून देण्याचाही मी खूप प्रयत्न केला, पण पोलिसांनी माझं काहीच ऐकलं नाही आणि मला तुरूंगात पाठवलं, असं फिर्यादीने नमूद केलं.

या संपूर्ण प्रकरणाची चौकशी करण्यात येणार असल्याचे कानपूरचे सह पोलीस आयुक्त आनंद प्रकाश तिवारी यांनी सांगितले. असा प्रकार पुन्हा घडू नये यासाठी योग्य ती कारवाई करण्यात येईल.