30 फूटावरून कोसळल्यानंतर काय घडलं चार वर्षाचा मुलगा रात्रभर मृत आईला बिलगून रडत होता

सुषमा घरी आली नाही म्हणून तिच्या कुटुंबांने बरीच शोधाशोध केली. तिचा फोनही लागत नव्हता. नातेवाईकांकडे विचारपूस केली. पण ती काही सापडली नाही. अखेर तिच्या कुटुंबीयांनी पोलीस स्टेशनला धाव घेतली आणि तक्रार दिली. पोलिसांनी तिच्या कुटुंबीयांना सोबत घेऊन रात्रभर सर्च ऑपरेशन केलं. पण तिचा शोध लागला नाही.गुरुवारी सकाळीच पोलिसांनी वर्धा नदीच्या पुलाकडे येऊन शोध घेतला. त्यावेळी नदीच्या किनारी सुषमाचा मृतदेह पडलेला आढळला. तिचा चार वर्षाचा मुलगा आईला बिलगून रडत होता. रात्रभर रडून रडून त्याची अवस्था अत्यंत वाईट झाली होती. त्याला बराच मारही लागला होता. मुलाला आईला बिलगून रडताना पाहून अनेकांचं हृदय हेलावून गेलं. अनेकांना तर अश्रू आवरण कठिण झालं पोलिसांनी तात्काळ सुषमाचा मृतदेह ताब्यात घेऊन शवविच्छेदनासाठी पाठवला आहे. तर मुलाला उपचारासाठी रुग्णालयात दाखल केलं आहे. काकडे कुटुंबीयांनी बुधवारी रात्री एक वाजेच्या सुमारास ती हरवल्याची तक्रार दिली. त्यानंतर आम्ही शोधाशोध सुरू केली, असं बल्लारपूरचे पोलीस निरीक्षक उमेश पाटील यांनी सांगितलं.