लातूर |  लातूरमध्ये गुन्ह्यांचे   प्रमाण भलतेच वाढले आहे. चोरी, दरोडा, लूटमारीच्या अनेक घटना सतत कानावर पडत आहेत. त्याच वेळी दीड महिन्यापूर्वी एका मोबाईल शॉपचे शटर उचकटून कोट्यवधी रुपयांचे मोबाईल चोरट्यांनी   पळवले होते. गस्तीवरील पोलिसांना गुंगारा देऊन मार्केट परिसरातील मोबाईलचे शॉप फोडून कोट्यवधींचे मोबाईल लुटण्याच्या घटनेमुळे शहरात गदारोळ माजला होता. अखेर दीड महिन्याने पोलिसांनी या गुन्ह्याचा उलगडा करत मोबाईल लुटणाऱ्या टोळीचा पर्दाफाश केला. याप्रकरणी नाशिक जिल्ह्यातल्या मालेगाव येथून पोलिसांनी पाच जणांना ताब्यात घेतले. त्यांच्याकडून 75 लाख रुपयांचा मुद्देमाल जप्त करण्यात आला असून अधिक तपास सुरू आहे.