राज्यातील 29 महानगरपालिकांच्या निवडणुकांचा कार्यक्रम जाहीर
राज्यातील 29 महानगरपालिकांच्या निवडणुकांचा कार्यक्रम जाहीर;
15 डिसेंबरपासून आचारसंहिता लागू
मुंबई | प्रतिनिधी
राज्य निवडणूक आयोगाने आज महाराष्ट्रातील महानगरपालिकांच्या निवडणुकांचा अधिकृत कार्यक्रम जाहीर केला आहे. या घोषणेसोबतच 15 डिसेंबर 2025 पासून आदर्श आचारसंहिता लागू झाली आहे. मुंबई, पुणे, नागपूर, नाशिक, ठाणे, नवी मुंबई यांसह राज्यातील 29 महानगरपालिकांमध्ये एकाच दिवशी मतदान होणार आहे.
नामांकन प्रक्रिया
महानगरपालिका निवडणुकांसाठी 23 डिसेंबर 2025 पासून नामांकन अर्ज भरण्यास सुरुवात होणार असून 30 डिसेंबर 2025 हा अंतिम दिवस असेल. मात्र 25 आणि 28 डिसेंबर रोजी नामांकन अर्ज स्वीकारले जाणार नाहीत, असे आयोगाने स्पष्ट केले आहे.
31 डिसेंबर 2025 रोजी उमेदवारांच्या अर्जांची छाननी केली जाईल.
उमेदवारी मागे घेणे व चिन्ह वाटप
उमेदवारी 2 जानेवारी 2026 पर्यंत मागे घेता येणार असून 3 जानेवारी 2026 रोजी निवडणूक चिन्हांचे वाटप करण्यात येईल.
मतदान व निकाल
15 जानेवारी 2026 रोजी सकाळी 7 ते सायंकाळी 5 वाजेपर्यंत मतदान होईल. त्यानंतर 16 जानेवारी 2026 रोजी मतमोजणी होऊन निकाल जाहीर केले जाणार आहेत.
इतर महत्त्वाचे मुद्दे
मतदार यादी व मतदान केंद्रांची अंतिम प्रक्रिया डिसेंबर 2025 मध्ये पूर्ण करण्यात आली आहे.
सर्व महानगरपालिकांतील प्रभाग रचना व आरक्षण प्रक्रिया ऑक्टोबर–नोव्हेंबर 2025 मध्येच पूर्ण झाली आहे.
आचारसंहिता लागू झाल्याने सरकारी जाहिराती व नव्या प्रकल्पांवर निर्बंध राहणार आहेत.दरम्यान, सर्वोच्च न्यायालयाने 31 जानेवारी 2026 पर्यंत महाराष्ट्रातील सर्व स्थानिक स्वराज्य संस्थांच्या निवडणुका पूर्ण करण्याचे आदेश दिले आहेत. त्या पार्श्वभूमीवर राज्य निवडणूक आयोगाने वेळापत्रक काटेकोरपणे जाहीर केले असल्याचे सांगण्यात येत आहे आचारसंहिता: 15 डिसेंबर 2025
नामांकन अर्ज सुरू: 23 डिसेंबर 2025
अंतिम नामांकन: 30 डिसेंबर 2025
छाननी: 31 डिसेंबर 2025
उमेदवारी मागे घेणे: 2 जानेवारी 2026
चिन्ह वाटप: 3 जानेवारी 2026
मतदान: 15 जानेवारी 2026
निकाल: 16 जानेवारी 2026
Loading ...